ಅಡಿಗೆಯನು ಮಾಡಬೇಕಣ್ಣ (ರಾಗ - ಪಂತುರಾಳಿ, ತಾಳ - ಛಾಪು) - ಕನಕ ದಾಸರ ಕೀರ್ತನೆಗಳು

ಅಡಿಗೆಯನು ಮಾಡಬೇಕಣ್ಣ ನಾನೀಗ ಸುಜ್ಞಾನದ

ಅಡಿಗಯ ಮಾಡಬೇಕಣ್ಣ

ಅಡಿಗೆಯನು ಮಾಡಬೇಕು ಮಡಿಸಬೇಕು ಮದಗಳನ್ನು

ಒಡೆಯನಾಜ್ಞೆಯಿಂದ ಒಳ್ಳೆ ಸಡಗರದಿ ಈ ಮನೆಯ ಸಾರಿಸಿ

ತನ್ನ ಗುರುವನ್ನು ನೆನೆಯಬೇಕಣ್ಣ ತನುಭಾವವೆಂಬ

ಭಿನ್ನ ಕಲ್ಮಷವಳಿಯಬೇಕಣ್ಣ

ಒನಕೆಯಂದ ಕುಟ್ಟಿ ಕೇರಿ ತನಗೆ ತಾನೆ ಆಗ ಕೆಚ್ಚ

ನನುವರಿತು ಇಕ್ಕಬೇಕಿ ಅರಿವರ್ಗವೆಂಬ ತುಂಟರಳಿಸಿ || 1 ||

ತತ್ವಭಾಂಡವ ತೊಳೆಯಬೇಕಣ್ಣ ಸತ್ಯಾತ್ಮನಾಗಿ

ಅರ್ತಿ ಅಕ್ಕಿಯ ಮಥಿಸಬೇಕಣ್ಣ

ಕತ್ತರಿ ಮನವೆಂಬ ಹೊಟ್ಟನ್ನು ಎತ್ತಿ ಒಲೆಗೆ ಹಾಕಿ ಇನ್ನು

ಹತ್ತಿಕೊಂಡಿಹ ಮಮತೆಯನ್ನು ಎತ್ತಿ ಎತ್ತಿ ಎಸರ ಹಿಂಗಿಸುತಲಿ || 2 ||

ಜನನ ಸೊಂಡಿಗೆ ಹುರಿಯಬೇಕಣ್ಣ ನಿಜವಾಗಿ ನಂತು

ತನುವು ತುಪ್ಪವ ಕಾಸಬೇಕಣ್ಣ

ಕನಕಗರಿ ನೆಲೆಯಾದಿಕೇಶವದಾಸ ಕನಕನ ಕಟ್ಟಳೆಯೊಳು

ನಿಂತು ಸುಖದಪಾಕವನು ಚಂದದಿ ಸವಿದುಣ್ಣಸಿಕ್ಕೆ || 3 ||

ಶ್ರೀ ಭರತೀರಮಣ ಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು