ಅಭ್ಯಾಸವನು ಮಾಡಬೇಕೋ (ರಾಗ - ಕನ್ನಡ, ತಾಳ - ಝಂಪೆ)

ಅಭ್ಯಾಸವನು ಮಾಡಬೇಕೋ-ಶ್ರೀಗು-

ರುಭ್ಯೋನಮಃ ಎಂಬ ನಾಮಂಗಳನು ಬಿಡದೆ || ಪ ||

ಕೇಶವ ನಾರಾಯಣ ಮಾಧವ ಗೋವಿಂದ ಭವ-

ನಾಶ ಭಕ್ತರ ಹೃದಯಕಮಲಾಬ್ಜ ದ್ಯುಮಣಿ

ದೋಷವಿರಹಿತ ವಿಷ್ಣು ಮಧುಸೂದನ ತ್ರಿವಿಕ್ರಮ ಸು-

ರೇಶ ಸರ್ವೋತ್ತಮ ನಮಂಗಳಂ ಬಿಡದೆ || ೧ ||

ವಾಮನ ಶ್ರೀಧರ ಹೃಷೀಕೇಶ ಕೇಶವ

ದಾಮೋದರ ಪ್ರಿಯದಾನವೇಂದ್ರ ಮುರಹರ

.........................................

ರಾಮರಘುಪುಂಗವ ನಾಮಗಳಂ ಬಿಡದೆ || ೨ ||

ಸಂಕರ್ಷಣ ವಾಸುದೇವ ಪ್ರದ್ಯುಮ್ನ ನಿಖಿ-

ಳಾಂಕ ಪಂಕೇರುಹ ಪತ್ರಾಯತಾಕ್ಷ

ಕಿಂಕರನ ರಕ್ಷಕ ಅನಿರುದ್ಧ ಪುರುಷೋತ್ತಮ

ಶಂಕರಪ್ರಿಯ ಅಧೋಕ್ಷಜ ನಾಮಂಗಳಂ ಬಿಡದೆ || ೩ ||

ನಾರಸಿಂಹಾಚ್ಯುತ ಜನಾರ್ಧನ ಉಪೇಂದ್ರ

ಸಾರಸಭವ ವಂದ್ಯ ಹರಿ ಕೃಷ್ಣ ವಿಶ್ವೋ-

ದ್ಧಾರ ...... ವನಮಾಲಿ ಆದಿ

ಮೂರುತಿಯ ದಿವ್ಯಮಂಗಳಂ ಬಿಡದೆ  || ೪ ||

ಅಸಮಪಟುಬಲಿಯ ಕಾಳಗದಿ ನುಂಗಿದ ಪಾದ

ರಸ ವಿರುದ್ಧ ತಾವಿಗೊದಗುವ ತೆರದೊಳು

ಬಿಸಜಾಕ್ಷ ಕಾಗಿನೆಲೆಯಾದಿಕೆಶವ ಎನ್ನ

ಅಸುವಳಿದು ಪೋಪಾಗ ಜಿಹ್ವೆಗೊದಗುವಂತೆ || ೫ ||

ಶ್ರೀ ಭರತೀರಮಣ ಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು