ಅಂಬುಜದಳಾಕ್ಷಗೆ ಮಂಗಳ (ರಾಗ - ಪೂರ್ವಿ, ತಾಳ - ಏಕ)

ಅಂಬುಜದಳಾಕ್ಷಗೆ ಮಂಗಳ-ಸರ್ವ-

ಜೀವರಕ್ಷಗೆ ಮಂಗಳ

ಜಲಧಿಯೊಳಾಮ್ನಾಯ ತಂದೆಗೆ ಮಂಗಳ

ಕುಲಗಿರಿಯ ತಾಳ್ದಗೆ ಜಯಮಂಗಳ

ನೆಲವ ಕದ್ದಸುರನ ಗೆಲಿದಗೆ ಮಂಗಳ

ಸುಲಭ ನರಸಿಂಹಗೆ ಶುಭಮಂಗಳ || ೧ ||

ವಸುಧೆ ಈರಡಿಗೆಯ್ದಗೆ ಮಂಗಳ

ವಸುಧಿಪರನಳಿದಗೆ ಜಯಮಂಗಳ

ದಶಕಂಧರನನು ಗೆಲಿದಗೆ ಜಯಮಂಗಳ

ಪಶುಗಳ ಕಾಯ್ದಗೆ ಶುಭಮಂಗಳ || ೨ ||

ಪುರತ್ರಯ ವಧುಗಳ ಗೆಲಿದಗೆ ಮಂಗಳ

ತುರಗವಾಹನನಿಗೆ ಜಯಮಂಗಳ

ವರಕಾಗಿನೆಲೆಯಾದಿಕೇಶವಗೆ ಮಂಗಳ

ಸಿರಿಹರಿಗೀಗ ಶುಭಮಂಗಳ || ೩ ||

ಶ್ರೀ ಭರತೀರಮಣ ಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು