ಆನೆ ಬಂದಿದೆ ಇದಿಗೊ ಮದ್ದಾನೆ ( ರಾಗ - ಆನಂದಭೈರವಿ, ತಾಳ - ಅಟ )

ಆನೆ ಬಂದಿದೆ ಇದಿಗೊ ಮದ್ದಾನೆ || ಪ ||

ಜ್ಞಾನಿಗಳೊಳಾಡುವ ಮದ್ದಾನೆ || ಅ.ಪ ||

ದೇವಕಿಯೊಳು ಪುಟ್ಟಿದಾನೆ ವಸು-

ದೇವನ ಪೆಸರೊಳೈತಂದ ಮದ್ದಾನೆ

ಶ್ರೀವಾಸುದೇವನೆಂಬಾನೆ - ಗೋಪಿ

ದೇವಿಯ ಗೃಹದೊಳಾಡುವ ಪುಟ್ಟಾನೆ || ೧ ||

ನೀಲವರ್ಣದ ನಿಜದಾನೆ - ಸ್ವರ್ಣ

ಮಾಲೆಗಳಿಟ್ಟು ಮೆರೆವ ಚಲುವಾನೆ

ಶ್ರೀಲೋಲನೆನಿಪ ಪಟ್ಟದಾನೆ ದುಷ್ಟ

ಕಾಳಿಂಗನ ಪೆಡೆಯ ಮೆಟ್ಟಿ ತುಳಿದಾನೆ || ೨ ||

ಬಾಲೇಂದು ಮುಖದ ಮರಿಯಾನೆ ಕದ್ದು

ಪಾಲನ್ನು ಕುಡಿದ ಮರಿಯಾನೆ

ಕೈಲಿ ಗಿರಿಯನೆತ್ತಿದಾನೆ 

ಕಾಳ್ಕಿಚ್ಚನ್ನು ನುಂಗಿದ ಪಟ್ಟದಾನೆ || ೩ ||

ಧೇನುಕಾಸುರನ ಕೊಂದಾನೆ

ತನಗೆ ಜೋಡಿಲ್ಲದಿಹ ನಿಜದಾನೆ

ಮಾನವರಿಗೆಲ್ಲ ಸಿಲ್ಕದಾನೆ

ಶೌನಕಾದಿಗಳೊಂದಿಗಿಪ್ಪಾನೆ || ೪ ||

ಮಲ್ಲರೊಡನೆ ಕಾದಿ ಗೆಲಿದಾನೆ ಕಡು

ಖುಲ್ಲ ಕಂಸನ ಕೆಡಹಿದಾನೆ ವಿದ್ಯೆ ಸಾಂದೀಪ-

ರಲಿ ಕಲಿತ ಮರಿಯಾನೆ

ಸಲೆ ಭಕ್ತರ ಕಾವ ಪುಟ್ಟಾನೆ || ೫ ||

ತರಳೆ ತುಕ್ಮಿಣಿಯ ತಂದಾನೆ - ಬಹು

ಕರುಣದಿಂ ಪಾಂಡವರ ಪೊರೆದಾನೆ

ವರ ವೇಲಾಪುರದೊಳಿಪ್ಪಾನೆ

ಸಿರಿಯಾದಿಕೇಶವನೆಂಬ ಮದ್ದಾನೆ || ೬ ||

ಶ್ರೀ ಭರತೀರಮಣ ಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು