ಅರಸಿನಂತೆ ಬಂಟನೊ ಹನುಮರಾಯ(ರಾಗ - ಕಾಲ್ಯಾಣಿ, ತಾಳ - ಅಟ)

ಅರಸನಂತೆ ಬಂಟನೊ ಹನುಮರಾಯ

ದೊರೆಯಂತೆ ಸೇವಕನೊ || ಪ ||

ಅರಸನಂತೆ ಬಂಟನೆಂಬುದು ನಿನ್ನೊಳು

ಕುರುಹು ತೋರಿತು ಮೂರುಲೋಕಕೆ ಹನುಮ || ಅ.ಪ ||

ಒಡೆಯ ಅಂಬುಧಿಯೊಳು ಪೊಕ್ಕು ವೇದವ ತಂದು

ತಡೆಯದೆ ಅಜಗಿತ್ತನೆಂದೆನುತ

ಸಡಗರದಿಂದ ವಾರಿಧಿಯ ದಾಟಿ ಮಹಿಜೆ ಪೆ-

ರ್ಮುಡಿಯ ಮಾಣಿಕವ ರಾಘವಗಿತ್ತೆ ಹನುಮ || ೧ ||

ಮಂದರಧರ ಗೋವರ್ಧನ ಗಿರಿ ನಲ-

ವಿಂದ ನಿಂದು ನಗೆಹಿದನೆನುತ

ಸಿಂಧುಬಂಧನಕೆ ಸಮಸ್ತ ಪರ್ವತಗಳ೦

ತಂದು ನಳನ ಕೈಯೊಳಗಿತ್ತೆ ಹನುಮ || ೨ ||

ಸಿರಿ ಕಾಗಿನೆಲೆಯಾದಿಕೇಶವರಾಯನು

ಸುರರಿಗಮೃತವನು ಎರೆದನೆನುತ

ಮೆರೆವ ಗಿರಿಯವಾಸ ಕಪಿಕುಲಸೌಮಿತ್ರಿ-

ಗೆರೆದ ದ್ರೋಣಾದ್ರಿಸಂಜೀವನ ಹನುಮ || ೩ ||

ಶ್ರೀ ಭರತೀರಮಣ ಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು